Во неодамнешното интервју за медиумите, бразилската ѕвезда Нејмар изјави дека нивото на саудискиот шампионат сега може да биде посилно од она на Лига 1. Напаѓачот го напушти ПСЖ во текот на летниот преоден рок за да му се приклучи на Ал-Хилал во нова авантура. Имајќи ги предвид останатите суперѕвезди кои летово ја избраа Арапската лига за своја следна дестинација, Нејмар прокоментира:
„Не би бил изненаден ако саудиската лига е веќе посилна од француското првенство... Можам да ве уверам дека фудбалот во Саудиска Арабија е ист како и каде било на друго место. Топката е тркалезна... нема тајна. Имаме интензивни тренинзи и гладта за победа е се уште голема. Сакам да освојувам трофеи со Ал-Хилал. Нема разлика“.
Арапските клубови на овој пазар потрошија над 700 милиони фунти за да ги обезбедат услугите на играчите кои се активни во европските првенства. Само англиското првенство забележа повисоки бројки, што ја покажува одлучноста на арапските клубови да го подигнат нивото на фудбалот во земјата.
Во меѓувреме, многу тренери и спортски личности ги критикуваа Арапите, поради фактот што нивниот пазар се затвора една недела подоцна од европскиот. Проблемот лежи во фактот што арапските клубови можат да продолжат да го привлекуваат вниманието на европските играчи, дури и кога тие играат во нивните првенства. Тренерот на Ливерпул, Јирген Клоп, ја истакна важноста да се заштити играта и европските првенства, опишувајќи го пристапот на арапските клубови на пазарот како закана.
Потсетуваме дека арапските клубови беа подготвени да го соборат рекордот за најскап играч во историјата, по понудата од 259 милиони фунти за Kylian Mbappe. Сепак, француската суперѕвезда ја одби понудата на Ал-Хилал, избирајќи да остане во Париз.