Иднината на Килијан Мбапе ова лето стана главен наслов на сите спортски медиуми. Француската ѕвезда одби да потпише нов договор со ПСЖ, а тоа доведе до тоа францускиот клуб да го стави на продажба, па да чека понуди за картонот на Мбапе.
Но, која ќе биде следната дестинација за талентираниот напаѓач?
Саудискиот клуб Ал-Хилал го шокираше фудбалскиот свет со стратосферска понуда од 259 милиони фунти за победникот на Светското првенство. Според француските медиуми, Мбапе не сака да игра во Саудиска Арабија, барем во овој момент од кариерата. Ова и покрај тоа што играчот може да заработи и до 700 милиони евра за една година, вклучувајќи плата, договори со спонзори и права на имиџ. Францускиот фудбалски стручњак Жулиен Лорен коментираше:
„Тој нема да оди таму (Ал Хилал). Парите не му се важни. Ќе ги освои сите можни трофеи. Во моментов, на 24-годишна возраст, тоа не ја вклучува саудиската лига“.
Но, ако не ја избере Саудиска Арабија, каде ќе заврши Мбапе? Реал Мадрид долго време беше тим број 1 на Мбапе, а неодамна се шпекулираше дека Французинот постигнал таен договор со Мадрид околу трансфер следното лето. Сепак, играчот смета дека овие извештаи се лаги. Интерес за картонот на Мбапе изразија и Челзи, Манчестер Јунајтед, Тотенхем, Интер и Барселона.
И покрај тоа што речиси ниту еден од овие клубови не може да му понуди на Мбапе договор како сегашниот со ПСЖ, Французинот е свесен за овој факт, а клубовите ги подготвуваат своите понуди. Барселона се надева на можна размена на играчи, тргнувајќи од неможноста да се даде директна понуда за услугите на Мбапе.
Ова е стратегијата на некои други клубови, но Реал Мадрид останува омилен тим за потпис на Мбапе. Тоа е затоа што Мадрид ги има вистинските финансии за операцијата, престижот, а Мбапе сака да игра за нив.