Португалската суперѕвезда на Манчестер Јунајтед, Кристијано Роналдо веднаш ќе го напушти клубот. Одлуката ја соопшти самиот клуб преку официјално соопштение, неколку дена по познатото интервју на напаѓачот. Роналдо пред неколку дена изјави дека нема почит кон тренерот Тен Хаг и доста остро ја критикуваше хиерархијата на клубот.
Во изјавата за медиумите челниците на Јунајтед рекоа:
„Клубот му се заблагодарува (Роналдо) за неговиот извонреден придонес за време на неговите 2 периоди на Олд Трафорд. Нему и на неговото семејство му посакуваме се најдобро. Во Манчестер Јунајтед сите остануваме фокусирани на продолжување на напредокот на тимот под водство на Ерик тен Хаг и да работиме заедно за да обезбедиме успех на теренот“.
Според англиските медиуми, заминувањето на Роналдо било консензуално прифатено од двете страни. Јунајтед, пак, моментално се наоѓа на петтото место во Премиер лигата, а се чини дека менаџерот Тен Хег почнува малку по малку да го наоѓа својот стил на игра. Од друга страна, се уште е нејасно каква иднина носи Кристијано Роналдо.
Според шпанска Марка, Португалецот во моментов размислува за 2 главни алтернативи. Првата опција е Њукасл Јунајтед, додека втората опција, која е помала веројатност да се оствари, е преселба во Ал-Наср во Саудиска Арабија.
Во меѓувреме, најсензационална вест е интересот на Челзи за картата на Португалецот. Според англиските медиуми, агентот на напаѓачот, Жорге Мендеш, е подготвен да разговара со лондончани за договор за услугите на Роналдо, бидејќи сините изгледаат однапред заинтересирани. На сопственикот на клубот Тод Боли му се допаѓа идејата за доведување на суперѕвездата во тимот, но овој потег останува комплицирана операција со менаџерот Греам Потер скептичен за способностите на Португалецот во овој момент од неговата кариера.
