Се чини дека челниците на Тотенхем ќе одлучат за отказот на Антонио Конте во наредните денови. Тренерот доста остро ги критикуваше своите играчи по ремито од 3-3 против Саутемптон во првенството, каде лондончани во еден момент од средбата беа во предност со 3-1, но не можеа да се снајдат со резултатот. Конте веќе отпатува за Италија и не се знае дали ќе се врати во Лондон како тренер на Тотенхем.
Претседателот на клубот Даниел Леви се уште не ги коментирал острите критики на Конте кон неговите играчи. Се верува дека Леви се консултира со други луѓе за неговиот следен потег, но по голема веројатност на Конте нема да му биде понудена втора шанса. Се очекува Рајан Мејсон да биде нов привремен тренер до крајот на сезоната.
Друга опција на која можат да размислуваат челниците на Тотенхем е токму сега да ја искористат паузата од националните натпревари, да назначат нов тренер. Луис Енрике, Томас Тухел и Маурисио Покетино се трите имиња за кои најмногу се зборува, но нивното убедување да ја предводат клупата на Тотенхем може да се покаже тешко.
Антонио Конте имаше приватен разговор со претседателот Леви по обвинувањата против играчите, а се смета дека Италијанецот појаснил дека критиките биле насочени кон играчите, а не кон претседателот или управата на клубот. Се сеќаваме дека Тотенхем моментално го држи четвртото место во шампионатот, но Ливерпул и Њукасл кои се најблиски следбеници имаат уште 2 натпревари да одиграат.
Тоа значи дека целта на Тотенхем за пласман во Лигата на шампионите следната сезона е загрозена, што ја прави уште потешка одлуката што клубот треба да ја донесе за Конте. Сепак, многу брзо се очекува официјална одлука од лондончани.
