Тренерот на ПСЖ, Маурисио Покетино, даде многу сензационална изјава за неговата и судбината на Килијан Мбапе, на „Паркот на принцовите“. По елиминацијата на Реал Мадрид од Лигата на шампионите, иднината на аргентинскиот тренер на чело на клупата на парижаните е постојано под знак прашалник. Мбапе од друга страна долго време се поврзува со движење кон галаксиите.
Но, Покетино со сигурност изјави дека и тој и Мбапе ќе продолжат да бидат дел од ПСЖ и следната сезона. Тренерот беше директно запрашан од медиумите, какви се шансите тој и Мбапе да бидат уште на „Паркот на принцовите“ во новата сезона. Маурицио самоуверено одговори:
„100% за двајцата. Го чувствувам ова. Можам да ви го кажам ова денес, не можам да кажам повеќе, така се чувствувам. Ова е фудбал и се може да се случи. Но, морам да одговорам на прашањето врз основа на тоа како се чувствувам денес. И ова го правам…“
Сепак, Покетино побрза да појасни дека сè уште нема официјален договор меѓу него и клубот. Тој додаде:
„Се уште не сме имале конкретни разговори, надвор од она што е нормално во нашата работа и планови. Имаме многу природна врска. Комуницираме во зависност од околностите, но секогаш имаме добри односи. Продолжуваме да работиме напорно, не само со оглед на сегашноста, туку и размислувајќи за иднината. Тоа е она што го правиме“.
Се чини дека трансфер сапуницата на Мбапе нема да заврши, до стартот на новата сезона. Минатата недела француските медиуми објавија дека напаѓачот сериозно размислува за продолжување на договорот со парижаните, а се чини дека тоа го потврди и Покетино.
