Саутемптон е во преговори со Челзи, за конечно да го откупи картонот на албанскиот фудбалер Армандо Броја, кој настапува како позајмен играч од лондонските сини. Напаѓачот импресионираше со своите настапи, откако пристигна во Стадион Сент Мери. Досега Броја има постигнато 5 гола во Премиер лига од почетокот на сезоната, а тренерот Ралф Хасенхутл е убеден во албанскиот потенцијал.
Останува да се види дали Броја е во долгорочните планови на Челзи, а ситуацијата треба дополнително да се разјасни оваа недела. Тоа е затоа што Саутемптон добро знае дека играчот го привлече интересот на уште неколку клубови, а тоа ќе ги поттикне раководните лица на Челзи да донесат одлука за Армандо Броја.
Напаѓачот, кој минатата сезона ја мина на позајмица во холандскиот Витесе, од детството е жесток навивач на Челзи. Ова се објаснува со фактот дека играчот е производ на академијата на лондонскиот клуб. Своето професионално деби со Челзи, Броја го имаше во 2020 година, додека тимот беше предводен од Френк Лампард. Неговиот актуелен договор со клубот истекува во 2026 година.
Во средината на Челзи постои перцепција дека играчот ќе добие шанса да се избори за место во првиот тим, доколку не се постигне договор за неговиот трансфер на друго место овој месец. Истото го посакуваат и навивачите на тимот, кои беа сведоци како играчите кои излегоа од академијата станаа суперѕвезди на европската арена. Меѓу нив можеме да ги споменеме Мејсон Маунт, Рис Џејмс, Тревох Чалоба и Калум Хадсон-Одо.
Напаѓачите на Челзи не беа доследни на настапите оваа сезона, а тоа може да му помогне и на Броја во неговата мисија да игра редовно со лондончани.
