Напаѓачот на Тотенхем, Сон Хеунг-мин ги увери навивачите дека нема да ја пропушти репрезентацијата на Кореја на Светското првенство во Катар. Фудбалерот се здоби со скршеница на левото око, во предизвикот на Тотенхем против Марсеј кој важи за Лигата на шампионите. Повредата на почетокот не загрижуваше, но откако играчот беше опериран, спортските медиуми во Англија го доведоа во прашање неговото активирање со Јужна Кореја на Светското првенство.
Сепак, самиот Сон ги смири фановите преку порака на социјалната мрежа Инстаграм. Напаѓачот рекол:
„Не би го пропуштил ова (Светското првенство) за ништо. Со нетрпение очекувам да ја претставувам нашата прекрасна земја. Сакав да издвојам момент за да ви се заблагодарам на сите за пораките за поддршка што ги добив оваа недела. Имам прочитано толку многу од нив и навистина ги ценам сите. Во многу тешко време добив голема поддршка од вас. Да играш за својата земја на Светското првенство е сон на многу деца, истото ми беше“.
Светското првенство во Катар ќе започне на 20 ноември, додека Јужна Кореја првиот натпревар ќе го одигра на 24 ноември против Уругвај. Сон оваа сезона за Тотенхем постигна само 5 гола на 19 натпревари. Сепак, напаѓачот останува еден од најважните играчи во тимот на Антонио Конте. Италијанскиот техничар ја прокоментира и повредата на Сон, велејќи дека е уверен дека играчот ќе биде активен на Мундијалот. Конте рече:
„Му испратив (Син) порака по операцијата и Сони беше навистина вознемирен поради ситуацијата, но се надевам дека добро ќе се опорави и ќе игра на Светското првенство. Сигурен сум, сигурен сум, дека наскоро може да се врати во Јужна Кореја во Катар“.