Тренерот на Барселона, Чави Ернандез, призна дека се уште не знае дали Френки де Јонг ќе остане во Барселона во пресрет на новата сезона. Изјавата на Чави доаѓа откако претседателот на Барселона, Жоан Лапорта им даде надеж на Челзи и Манчестер Јунајтед дека можат да обезбедат договор за услугите на Холанѓанецот.
Но, и покрај тоа што гигантите од Премиер лигата изразија интерес за талентираниот играч за врска, овој не сака да ја напушти Барселона. Една од причините е фактот што Барса е клуб од соништата на Де Јонг, а играчот сака да ја развива кариерата во шпанскиот гигант. Друга причина е фактот што Барселона има значителни обврски за неисплатени плати кон фудбалерот, а играчот од средниот ред не сака да замине без претходно да го реши ова прашање.
25-годишниот фудбалер го имаше своето прво предсезонско деби за клубот во победата на Барселона со 2-0 над Њујорк Ред Булс. Чави беше прашан по натпреварот за шпекулациите што го придружуваа Де Јонг во последните недели на пазарот. Поранешниот играч од средниот ред на Барселона рече:
„Не знам дали ќе остане, има уште време и многу работи можат да се случат. Во моментов тој е дел од тимот како и сите други“.
Де Јонг, пак, се врати на својата природна улога како играч од средниот ред во последниот натпревар, откако играчот беше активиран на дефанзивната позиција на претходните средби. Чави беше запрашан дали оваа промена е знак дека Де Јонг е на заминување. Шпанецот додаде:
„Не треба да испраќам сигнали на теренот, можам директно да разговарам со моите играчи.
Манчестер Јунајтед останува главен фаворит за добивање на картонот на Де Јонг, бидејќи „црвените ѓаволи“ постојано се поврзуваа со името на поранешниот играч на Ајакс.