Дефанзивецот на Франција и Манчестер Јунајтед, Рафаел Варан изјави дека ситуацијата меѓу Кристијано Роналдо и клубот влијае на другите играчи. Во телевизиско интервју, ЦР7 изјави дека се чувствува изневерен од клубот, не го почитува тренерот Ерик тен Хаг и е под притисок да го напушти Јунајтед. Во меѓувреме од клубот соопштија дека ќе реагираат со официјално соопштение, по расчистување на сите факти.
Варан во меѓувреме го изрази својот коментар за ситуацијата. Дефанзивецот изјави за Europe1:
„Секако дека тоа влијае и на нас. Следиме што се случува и што се зборува. Се обидовме на наш начин да ја смириме ситуацијата и да не се мешаме премногу во неа. Она што се случува во големите клубови добива големо внимание во медиумите. Кога станува збор за ѕвезда како Роналдо, уште повеќе, затоа се трудиме да држиме дистанца...“
Варан додаде:
„Она што го сакам е најдоброто за тимот, па што и да се случи на крајот, ние како играчи ќе го прифатиме и ќе продолжиме да го даваме најдоброто од себе“.
Роналдо одби да влезе како замена во последен момент против Тотенхем Хотспур на 19 октомври, а официјалните лица на клубот беа јасни во нивната поддршка за менаџерот Тен Хег во епизодата. Тогаш португалскиот напаѓач не беше вклучен во следниот предизвик против Челзи.
Последното интервју на CR7 ги подели навивачите на „црвените ѓаволи“ во 2 групи, некои го поддржуваат Португалецот во неговите изјави, додека други ги сметаат коментарите на Роналдо за неприфатливи. Сепак, напаѓачот најверојатно ќе го напушти Манчестер Јунајтед во јануари по Светското првенство, иако се уште не е познато која би можела да биде неговата следна дестинација.