Тренерот на Манчестер Јунајтед, Ерик тен Хаг ја коментираше тешката загуба што „црвените ѓаволи“ ја претрпеа од Брентфорд, во втората недела од Премиер лигата. Јунајтед беше поразен со 4-0 при што ги прими сите голови во првите 35 минути од натпреварот, што е апсолутно неприфатливо прикажување за стандардот на клубот. Холандскиот техничар на крајот од средбата ги даде своите впечатоци, навестувајќи дека на тимот му се потребни длабоки промени:
„Мораме да покажеме повисок стандард од она што го видовме денеска. Ние сме во тежок процес како тим. Очекувавме поинаков почеток, а не овој. Ни требаат нови играчи. Ни требаат квалитетни играчи. Работиме на ова и ќе направиме се за да ги убедиме да дојдат“.
Манчестер Јунајтед е вклучен во долг процес на регрутирање на нови играчи, бидејќи клубот сака да се врати во редовите на елитните тимови во Премиер лигата и да ги остави негативните перформанси зад себе.
Тен Хег додаде:
„Тимот мора да преземе одговорност. Многу ми е жал за навивачите, тие направија се за да не поддржат и ние ги разочаравме. На теренот треба да преземете одговорност како поединец, но и како тим, а тоа не го направивме. Она што ги замолив да го направат е да играат со самодоверба и да преземат одговорност за настапот. Мора да работиме на ова. Обврски има и тренерот. Тој ја има главната одговорност и јас ќе работам на ова“.
Јунајтед веќе загуби 4 последователни натпревари во Премиер лигата, вклучувајќи го и крајот на сезоната што ја оставивме зад нас. Од друга страна, „црвените ѓаволи“ веќе 7 натпревари немаат обезбедено никаква победа, бидејќи се на последното место во првенствениот поредок.
