Касемиро изјави дека неговата преселба во Манчестер Јунајтед не е мотивирана од пари. Бразилецот на проштална церемонија со многу емоции изјави дека ќе му се приклучи на најголемиот клуб во светот, по 9 успешни години во Реал Мадрид. Јунајтед ќе му плати на Реал Мадрид 70 милиони фунти за картонот на играчот од средниот ред, додека Касемиро ќе потпише на 4 години со „црвените ѓаволи“. Играчот на прес-конференцијата рече:
„Да беше за пари, ќе заминав пред 4 или 5 години. Луѓето кои мислат дека ова не се во право, тие воопшто не ме познаваат. Клубот отсекогаш се однесувал многу добро со мене. Ова е моја одлука, мој начин“.
Касемиро му се приклучи на Реал Мадрид од Сао Паоло во 2013 година и му помогна на тимот да победи 5 пати Лигата на шампионите, и 3 пати Ла Лига. Освен овие, тој го освои и Копа дел Реј за време на неговата авантура во Шпанија. Бразилецот додаде:
„По финалето на Лигата на шампионите разговарав со мојот агент, бидејќи имав чувство дека мојот циклус овде заврши. Тоа беше најтешката одлука во мојот живот, но возбуден сум за она што е следно.
Сакам да се соочам со нови предизвици, да запознаам друг јазик, друга земја и друга култура. Се приклучувам на најголемиот клуб во светот, кој може да се натпреварува со големината на Реал Мадрид, дури и ако сега не изгледа така“.
Casemiro
Касемиро ја коментираше и ситуацијата на Кристијано Роналдо во Јунајтед. Бразилецот коментираше:
„Не сум разговарал со Кристијано, се надевам дека ќе остане во клубот бидејќи е еден од најдобрите играчи на сите времиња.
Сè што направив овде (во Мадрид), сакам да правам таму. Сакам да го освојам шампионатот во Англија...“
Casemiro