Реал Мадрид нема намера да запре со приближувањето на Џуд Белингем на летниот пазар. Шпанскиот клуб постигна договор за личните услови со Англичанецот, а сега разговара со челниците на Дортмунд за да се договорат за финансискиот аспект на операцијата. Во исто време Мадрид ги истражува можностите на „Бернабеу“ да ги доведе суперѕвездата на ПСЖ, Килијан Мбапе, како и дефанзивецот на Баерн Минхен, Алфонсо Дејвис.
Што се однесува до Мбапе, договорот кој Французинот го потпиша минатото лето е на 2 години, со опција за продолжување на дополнителна година. Сепак, оваа клаузула може да ја активира само играчот, а не клубот. Тоа значи дека Мбапе наскоро ќе влезе во последната година од договорот, а ПСЖ може да биде отворен за понуди за картата на напаѓачот, за да не ризикува да замине за џабе. Мбапе во јануари би можел да потпише преддоговор со клуб надвор од Франција, а Реал Мадрид ќе биде тука да ја искористи шансата.
Во меѓувреме, што се однесува до Дејвис, Канаѓанецот се смета дека не е на продажба на Баерн, но играчот се уште нема потпишано нов договор со клубот. Неговиот актуелен договор со Баварците истекува во летото 2025 година, а се смета дека дефанзивецот е отворен за нова авантура.
Реал бара да го засили дефанзивниот оддел, знаејќи дека иднината на Менди во Шпанија е донекаде нејасна. Французинот стартуваше на само 15 натпревари во првенството, а во Лигата на шампионите нема настап од ноември минатата година. Се верува дека Реал Мадрид е подготвен да го продаде Менди во текот на летото доколку на Бернабеу дојде вистинската понуда, но тоа би значело и наоѓање замена, а Дејвис совршено одговара за Лос Бланкос.