Килијан Мбапе беше принуден да го напушти теренот во победата на Пари Сен Жермен против Марсеј поради повреда. Француската ѕвезда имаше судир со Леонардо Балерди, што јасно се виде дека влијае на кондицијата на напаѓачот. Мбапе се обиде да го продолжи натпреварот, но беше заменет пред почетокот на вториот дел.
Француските медиуми по завршувањето на средбата објавија дека станува збор за повреда на скочниот зглоб, која не е сериозна, но сепак се очекува да го остави напаѓачот надвор од зелените терени, на одреден период. Според извори блиски до клубот, Мбапе би можел да го пропушти дуелот од Лигата на шампионите со Њукасл на 4 октомври. Сепак, во наредните денови се очекува подетален извештај за степенот на повредата на Французинот.
Во меѓувреме, во однос на хрониката на натпреварот, ПСЖ обезбеди важна и сигурна победа против силниот противник како Марсеј. Парижаните постигнаа вкупно 4 гола, со автори Ахраф Хакими, Рандал Коло Муани и Гонкало Рамос кои погодија 2 пати. Победата на тој начин го искачува ПСЖ на третото место во поредокот во Лига 1, со 2 бода зад Брест кој моментално води на табелата.
Избраниците на тренерот Луис Енрике го загубија последниот првенствен натпревар против Ница на домашен терен, со резултат 2-3. Големи се очекувањата за шпанскиот тренер, кој и покрај тоа што има тешка задача да изгради нов тим, не може да си ги прости грешките во првенството.
Марсеј, пак, минува низ тежок момент, бидејќи, како и ПСЖ, така и тимот се обидува да најде нов играчки идентитет, по отказот на тренерот Марселињо. Марсеј моментално се наоѓа на седмото место во генералниот пласман во Лига 1, но сезоната штотуку започна и има уште многу натпревари за играње.