Бомбардерот на Наполи, Виктор Осимхен е отворен за можна преселба во Челзи. Сепак, лондонскиот клуб може да биде принуден да почека до следното лето за да направи потег за напаѓачот. Играчот ја опиша поранешната ѕвезда на Челзи, Дидие Дрогба како еден од неговите фудбалски идоли, а Осимхен исто така е заинтригиран од идејата да игра фудбал во Премиер лигата.
Претседателот на Наполи, Аурелио Де Лаурентис е познат како многу тежок преговарач и Италијанецот картата на Осимхен ја проценува на 100 милиони фунти. Ова е една од причините зошто заминувањето во јануари е многу малку веројатно да се случи. Наполи исто така минува низ тешка сезона во однос на минатата, кога беше прогласен за шампион. Тимот конкурира за место во Лигата на шампионите, а Осимхен е многу важен играч за остварување на оваа цел.
Во меѓувреме, Челзи допрва треба да одлучи дали ќе направи потег за напаѓач во јануари. Шефовите на „сините“ се очекува да го договорат планот на крајот на декември, а многу ќе зависи од формата на напаѓачите кои моментално ги има на располагање Челзи. Станува збор за Николас Џексон, Кристофер Нкунку и Армандо Броја.
Џексон постигна хет-трик против Тотенхем, како и гол против Манчестер Сити и се чини дека полека почнува да ја наоѓа својата најдобра форма. Нкунку, пак, се очекува многу брзо да се врати по повредата добиена на почетокот на сезоната. Во меѓувреме, и Броја има флуктуации со последните повреди, а не се убеди целосно во нивото претставено на зелениот терен. Она што е сигурно е дека доколку Осимхен слета еден ден на Стемфорд Бриџ, ќе биде стартер во тимот на Покетино.
