Пеп Гвардиола за прв пат коментираше по обвинувањата од Премиер лигата против Манчестер Сити. Шпанскиот тренер изјави дека се уште верува во невиноста на клубот, потсетувајќи дека истите обвинувања ги упати и УЕФА, а специјалниот суд за спортски прашања им даде право на „граѓаните“ по испитувањето на случајот. Гвардиола коментираше за медиумите:
„Клубот докажа дека е тотално невин. Она што се случи од понеделникот е истото што се случи со УЕФА. Еднаш сме казнети. Мора да разберете дека 19 премиерлигаши не обвинуваат додека ние немаме можност да се браниме. Имаме среќа што живееме во фантастична земја каде што сите се невини додека не се докаже вината“.
Во меѓувреме, Гвардиола ги изненади англиските медиуми, велејќи дека најголем дел од обвинувањата против Сити се туркани од други тимови од Премиер лигата. Техничарот додаде:
„Очигледно (дека други тимови од Премиер лигата ги туркаа обвинувањата), ова е англискиот шампионат. Не знам зошто се случува. Треба да го прашате извршниот директор. Тие сега направија преседан со она што ни го поставија. Бидете внимателни, бидете внимателни во иднина бидејќи има многу клубови кои како нас се обвинети дека се виновни. Којзнае што ќе биде во иднина...Веруваат дека не сме се однесувале како што треба, тоа можеме да го прифатиме, но нека се одбраниме ако веруваме поинаку“.
Во минатото, Гвардиола изјави дека ќе го напушти Сити доколку се докажат наводите за кршење на правилата во Премиер лигата. Сепак, Пеп потврди дека нема намера да го напушти Сити, до овој момент. Напротив, тренерот беше поентузијаст од кога било да ја продолжи својата работа на „Етихад“.
