Челзи продолжува да е заинтересиран за услугите на асот на Кристал Палас, Мајкл Олисе. Сепак, според англиските медиуми, крилниот напаѓач претпочита трансфер во Манчестер Јунајтед, кој исто така е заинтересиран за него. Се чини дека досега сите во Англија го прифатија фактот дека Олисе ќе го напушти Палас на крајот на сезоната, но неговата нова дестинација се уште не е позната.
Минатото лето Мајкл потпиша нов договор со Кристал Палас, за следните 4 години, но по голема веројатност напаѓачот порано ќе го напушти клубот. Во својот нов договор, Олисе има клаузула за откажување на крајот од сезоната. Бројката за оваа клаузула се уште не е официјално позната, но се верува дека не е поголема од 35 милиони фунти. Сега и Челзи и Јунајтед ќе атакуваат на крајот од сезоната, по картата на играчот.
Олисе играше во прилично добра форма оваа сезона за Палас и покрај тоа што имаше и повреди. Крилниот напаѓач беше активен на 9 средби во Премиер лигата на кои забележа 5 голови и 1 асистенција.
Манчестер Јунајтед внимателно ја следи ситуацијата на Олисе, бидејќи на избраниците на тренерот Тен Хаг им треба засилување во нападот. „Црвените ѓаволи“ оваа сезона разочараа пред гол, бидејќи на 21 настап во Премиер лигата постигнаа само 24 гола. Во меѓувреме, и Челзи на лето ќе го брка Олисе, но „сините“ имаат други опции на својот список.
Виктор Осимхен е еден од нив, бидејќи Нигериецот сака да си замине од Наполи на крајот на сезоната и секогаш изразувал желба да игра во Премиер лигата. Сепак, Олисе е полесна цел за слетување од Осимхен.