Ливерпул победи со минимални 1-0 против Вест Хем, со што обезбеди многу важна победа во Премиер лигата. Дарвин Нуњез го постигна единствениот гол за „црвените“, што беше прв гол на Уругваецот на „Енфилд“. Доста решавачки во овој предизвик беше голманот Алисон, кој одбрани пенал, за да не им даде бод на противниците.
Момците на Клоп беа непредвидливи оваа сезона, но победата против Вест Хем беше трета по ред за Ливерпул во сите натпреварувања. Германскиот техничар беше задоволен од својот тим, но ги подвлече аспектите за подобрување во играта на „црвените“:
"Јас сум среќен. Во многу делови од натпреварот одигравме доста добро. Додека игравме бевме извонредни и му правевме многу проблеми на Вест Хем, но единствениот проблем беше што не игравме така 95 минути и им дадовме простор. Тие (Вест Хем) го зголемија ризикот со фрлање на Михаил Антонио и други играчи и беа доста опасни со долги топки... Никогаш не мислев дека ќе биде лесен натпревар за нас, но го добивме вистинскиот резултат и мислам дека го заслужи. Има уште 3 бода, многу важни“.
Во меѓувреме, Клоп не штедеше пофалби за Дарвин Нуњез. Германскиот тренер на крајот од средбата рече:
„Тој (Нуњез) беше извонреден. Тој е огромен талент и има само 22 години. Нуњез дојде од Португалија и го немаше долго, па не така одамна уживаше во Уругвај. Тој е голем талент и ние сме среќни поради него“.
Клоп го коментираше и досудениот пенал во корист на Вест Хем, велејќи дека судиската одлука е праведна.