Ливерпул и Тотенхем би можеле да се вклучат во трката за талентот на „Волците“ во форма, Хванг Хи Чан. Според англиските медиуми, двата премиерлигаши размислуваат за преселба на лето, додека трансфер на јануарскиот пазар тешко дека ќе се случи. Челниците на Ливерпул и Тотенхем се изненадени од настапите на Хи Чан оваа сезона, особено кога овој беше ставен во улога на центарфор.
Кореецот ќе се одлепи од Волвс за да игра со својата репрезентација во Купот на Азија. Хи Чан го привлече вниманието поради неговата флексибилност на теренот, бидејќи напаѓачот може да се активира и на левото крило и на центарот. Фудбалерот оваа сезона за својот тим во Премиер лигата постигна 11 голови и имаше 3 асистенции.
Хванг Хи Чан првпат слета во Волвс на позајмица од РБ Лајпциг во 2021 година. Само 1 година подоцна, Кореецот потпиша постојан договор со англискиот клуб. И Ливерпул и Тотенхем бараат засилување во нападот и планираат за новата сезона.
Момците на Јирген Клоп моментално водат во поредокот во Премиер лигата, по спектакуларната победа од 4-2 над Њукасл. „Црвените“ ќе останат без Мохамед Салах во текот на месец јануари, бидејќи овој ќе биде активен со селекцијата на Египет во Афкон.
Тотенхем, пак, е на петтото место во поредокот во Премиер лигата, по 20 одиграни натпревари. Австралискиот тренер Анже Постекоглу внесе нов дух во Спарс, а нивото на квалитетот значително се зголеми во нивната игра. Сепак, потребата од напаѓач кој нуди постојаност е отсекогаш евидентна во лондонскиот клуб по заминувањето на Хари Кејн во Баерн Минхен. Ова е главната причина за интересот за Хи Чан.