Поранешниот напаѓач на Премиер лигата Крис Сатон ги коментираше последните натпревари на Арсенал, доведувајќи го во прашање менталитетот на тимот на Микел Артета. Лондончани забележаа две нерешени средби на последните натпревари во Премиер лигата, резултати кои оставија разочарани многу фанови на клубот, ова и поради начинот на кој се одиграа натпреварите.
Арсенал не можеше да го задржи двојното водство против Ливерпул и Вест Хем, на крајот земајќи по 1 бод од секој предизвик. Сатон ја коментираше играта на „топчиите“ и нивните шанси да бидат прогласени за шампиони во Премиер лигата:
„Прашањето кое денес го имаат навивачите на Арсенал е дали ова е денот кога заврши сонот за титулата? Кога Арсенал не може да одржи двојна предност во последните два натпревари, се доведува во прашање дали тимот има ментална сила да оди до крај и да ја освои титулата“.
Лондончани водат во табелата во Премиер лигата, четири бода повеќе од второпласираниот Манчестер Сити, но тимот на Пеп Гвардиола има натпревар помалку. Во меѓувреме, поранешниот англиски дефанзивец Мет Апсон сè уште верува дека Арсенал може да го извлече и да биде крунисан за шампион. Апсон рече:
„Сега, она што треба да го направи (Арсенал) е да не дозволи сомнежите да ги демотивираат. Работата на Артета и неговиот штаб е да не дозволуваат играчите да се чувствуваат лошо или да размислуваат негативно за себе... Тие се уште се во прилично добра позиција, мора да го задржат истиот менталитет, мора да продолжат да веруваат, ова е работа на Арсенал во моментов и тие мора да продолжат да се движат напред“.