Маркос Леонардо е талентот на Сантос кој го привлече вниманието на многу европски клубови, вклучувајќи ги и гигантите од англискиот премиерлигаш Арсенал и Манчестер Јунајтед. 20-годишниот Бразилец се чини дека е подготвен да го направи големиот чекор во кариерата, да биде префрлен во една од големите лиги во Европа. Јунајтед и Арсенал остануваат фаворити за потписот на напаѓачот, но се очекува во игра да бидат и Рома и Њукасл.
Леонардо во досегашниот дел од сезоната има постигнато вкупно 17 голови за Сантос. Во текот на минатиот пазар немаше понуди за играчот, но Маркос реши да остане во Сао Паоло уште една сезона. Сепак, неговото заминување сега изгледа неизбежно, а тоа би можело да се случи на јануарскиот пазар.
Ова го потврди агентот на играчот, Рафаела Пимента. Таа рече:
„Од минатиот пазар имаше можност да биде продаден, но спортската ситуација во Сантос беше многу специфична. Тој се согласи да остане бидејќи сакаше да му помогне на тимот до крајот на првенството. Не сакаше да замине бидејќи тоа не беше вистинската работа. Но, сега дојде време. Тој бара европско искуство и ќе дојде неговото време оваа зима“.
Арсенал е во потрага по напаѓач поради честите повреди на Габриел Жесус. Тоа би можело посериозно да ги турне лондончани во трката за картата на Маркос, но и Микел Артета бара засилување на средниот ред. Останува да видиме кој ќе биде приоритетот на Арсенал во текот на јануарскиот преоден рок. Од друга страна, на Манчестер Јунајтед му требаат и посигурни имиња во нападот, бидејќи напаѓачкиот оддел на „црвените ѓаволи“ досега дава многу лоши резултати.
Во меѓувреме, од самиот Маркос Леонардо се уште нема информации за неговите преференции за фаворитот европско првенство каде ќе настапува.
