Португалија ја совлада Гана со 3-2, во вредниот натпревар за Х групата на светот. Португалците во најголем дел доминираа на средбата и покрај тоа што голот предност го најдоа дури во 65. минута од предизвикот. Токму Кристијано Роналдо со крајно спорниот пенал го отклучи резултатот, поставувајќи фантастичен рекорд.
CR7 официјално стана првиот играч кој постигнал гол на 5 различни Светски првенства. На крајот од средбата, напаѓачот се изрази доста среќен поради рекордот, и секако победата:
„Тоа беше една недела што затвори едно поглавје, затворено е“. – рече Роналдо, мислејќи прво на раскинувањето на договорот со Манчестер Јунајтед. Суперѕвездата потоа додаде:
„Победивме и јас можев да му помогнам на тимот, другото не е важно. Ова беше убав момент, мое петто Светско првенство. Успеавме да победиме, почнавме на десна нога и тоа е навистина важна победа. Првиот натпревар е одлучувачки во вакви натпреварувања... Ме прави горд тоа што сум првиот играч кој постигнал гол на 5 светови“.
Во однос на хрониката на мечот, Гана брзо го најде израмнувањето со Андре Ају во 73. минута, но супериорноста на Португалецот никогаш не беше доведена во прашање. Португалија повторно поведе само 5 минути по голот на противниците преку Жоао Феликс. Само 2 минути подоцна мрежата ја пронајде и Рафаел Леао кој го постигна третиот гол за Португалецот. Гана успеа да ја намали разликата со голот на Осман Букари во 89. минута, но резултатот од 3-2 немаше да се промени до крајот на натпреварот.
Во меѓувреме, селекторот на Португалија, Фернандо Санто, исто така го пофали напаѓачот на крајот од предизвикот. Санто коментираше:
„Еден од најдобрите играчи во светот, еден од најдобрите на сите времиња. Кристијано Роналдо е феномен... Сеуште ќе зборуваме за него и по 50 години“.