Играчот од средниот ред на Јувентус и Франција, Пол Погба беше опериран на коленото по повредата здобиена во јули. Фудбалерот оттогаш не играл и Погба би можел да го пропушти Светското првенство во Катар во поголемиот дел од декември. Првиот натпревар на Франција на Светското првенство ќе го има против Австралија на 22 ноември.
Тренерот на Јувентус, Масимилијано Алегри беше прашан за операцијата на Погба. Италијанскиот техничар изјави:
„Утрово Погба тренираше по втор пат, но потоа престана и решивме дека ќе биде опериран. Ако зборуваме реално, тој ќе се врати во јануари“.
Серија А ќе престане на 13 ноември, пред Светското првенство, а потоа повторно ќе се врати во јануари, кога ќе заврши Светското првенство. Селекторот Алегри беше директно запрашан и дали Погба ќе може да игра во Катар. Сепак, Италијанецот одби да одговори, велејќи дека Мундијалот не е негов проблем.
Погба ова лето повторно и се приклучи на „Старата дама“ за нула трошоци, по истекот на неговиот договор со Манчестер Јунајтед. Талентираниот фудбалер никогаш не успеа да настапи постојано на „Олд Трафорд“. Сепак, истото не може да се каже за неговите настапи со француската репрезентација. Улогата на Погба отсекогаш била одлучувачка за успехот на „петлите“, од кои најважен несомнено е триумфот на Светското првенство во 2018 година.
Дури и ако Погба успее да се опорави навреме за Светското првенство во Катар, сепак ќе има многу прашања за неговата кондиција. Со оглед на огромната конкуренција во тимот предводен од Дидие Дешамп, не е изненадување доколку играчот го загуби стартното место во националниот тим.
