Напаѓачот на Пари Сент Жермен, Нејмар се очекува да го пропушти остатокот од сезоната поради повреда. Бразилската суперѕвезда треба да биде опериран на десниот скочен зглоб, по тешката повреда што ја заработи при победата на ПСЖ над Лил од 4-3 пред две недели. Веста е потврдена со официјално соопштение од самиот клуб.
ПСЖ откри дека Нејмар во текот на годините страдал од повремени повреди на десниот зглоб, а потребна е операција за да се спречи повторување. Од клубот потврдија и дека ќе бидат потребни најмалку 3-4 месеци за Бразилецот да се врати на тренинзите.
Ова не е првпат Нејмар да се здобие со сериозна повреда, бидејќи напаѓачот го пропушти целиот турнир на Копа Америка во 2019 година поради истата причина. Исто така, Нејмар не беше присутен за Бразил на 2 натпревари за време на Светското првенство во Катар, по повредата добиена на предизвикот против Србија.
Отсуството на играчот е лоша вест за тренерот Кристоф Галтие. ПСЖ во среда ќе се соочи со Баерн Минхен во вредниот предизвик за Лигата на шампионите на УЕФА. Парижаните беа поразени со 1-0 во Париз и сега имаат тешка задача во Германија каде мора да го срушат резултатот.
Ситуацијата е многу подобра во првенството за Французите, бидејќи тимот води во Лига 1, со 8 поени разлика од најблиските следбеници. Сепак, Лигата на шампионите беше и останува главната цел на тимот. Финалето на престижното натпреварување ќе се игра на 10 јуни годинава, а и да успее ПСЖ да оди до крај, Нејмар нема да биде подготвен за предизвикот.
И покрај тешката ситуација со последователни повреди, Бразилецот оваа сезона постигна 13 гола во првенството, а 10 пати им асистираше на соиграчите.
