Техничкиот директор на Милан, Паоло Малдини ги смири црвено-црните навивачи, расветлувајќи ги гласините за иднината на Рафаел Леао. Во текот на летниот преоден рок се шпекулираше дека за услугите на Португалецот е заинтересиран Челзи, кој минатата сезона се претстави доста добро, забележа 11 гола и 8 асистенции. Лондонскиот клуб летото не успеа да го обезбеди картонот на напаѓачот, додека Леао продолжува со добрите настапи постигнувајќи 6 гола на 6 натпревари Серија А оваа сезона.
Англиските медиуми објавија дека Челзи се уште е заинтересиран за Рафаел Леао, но Паоло Малдини потврди дека Португалецот сака да остане во Италија. Напаѓачот не можеше да потпише продолжување на договорот со црвено-црните, поради правен конфликт со неговиот поранешен клуб, Спортинг ЦП, околу преселбата на играчот во Лил. Малдини неодамна зборуваше за CalcioMercato:
„Леао има тешка ситуација поврзана со неговата претходна преселба во Лил, која многу го погодува и предизвикува често менување на ситуацијата. Но Рафа ни е благодарен и ме интересира што ни кажува. Тој разбира дека неговиот пат во наредните години треба да биде во Милан, а истото ни го кажа. Ќе има преговори, но знаеме дека добрите играчи треба да се платат според нивната вредност. Ако тимот расте понатаму, Леао ќе има сè за да се натпреварува на највисоко ниво“.
Малдини додаде:
„Се разбира, во ниту еден тим во светот нема играчи кои не можат да се префрлаат.
Италијанските медиуми пренесуваат дека Милан јасно им ставил до знаење на челниците на Челзи дека сините мора да платат 150 милиони евра за да ја активираат клаузулата за раскин на договорот на Леао.