Фудбалските натпревари во Англија, Северна Ирска и Шкотска се одложени овој викенд, во знак на почит за смртта на кралицата Елизабета Втора. Освен фудбалот и многу други спортски активности исто така се одложени за следните недели. Коњските трки се враќаат во недела, додека меѓу засегнатите натпреварувања секако е и Премиер лигата каде се откажани 10 натпревари и ќе се играат на втор термин. Истото важи и за ЕФЛ и за женски натпревари. И шкотското првенство ги одложи закажаните натпревари. Иако спортските натпревари не беа обврзани да се приклучат на оплакувањето во чест на кралицата Елизабета, многу од челниците на спортските организации изразија дека тоа е вистинската одлука. Извршниот директор на Премиер лигата Ричард Мастерс изјави:
„Ние и нашите клубови сакаме да ја почитуваме долгата и неуморна услуга што Нејзиното Височество и ја даде на нашата земја. Ова е крајно тажно време, не само за нацијата, туку и за милиони луѓе ширум светот кои му се поклонија, и затоа им се придружуваме во жалост“.
Во меѓувреме, за продолжување на предизвиците се уште нема одреден датум, но директорот Мастерс изјави дека Премиер лигата многу брзо ќе ја извести јавноста. Во меѓувреме, во Шкотска беа суспендирани активностите на Шкотската професионална фудбалска лига, шкотската женска Премиер лига и шкотскиот Хајленд. Главниот извршен директор на СПФЛ, Нил Донкастер, изјави дека ќе има дополнителни ажурирања за развојот на натпреварите, што ќе биде решено откако сè ќе се усогласи прво со погребната церемонија на кралицата.
Кралицата Елизабета Втора беше монархот со најдолг стаж на Обединетото Кралство. Таа почина на 96-годишна возраст, по 70 години на тронот.
