Челниците на Вест Хем ја чекаат следната финансиска понуда од Арсенал, за картата на Деклан Рајс. Клубот ја одби втората понуда на „топчиите“ за играчот од средниот ред, која изнесуваше 90 милиони фунти, додека се чека ангажман на Манчестер Сити во разговорите.
Според англиските медиуми, Вест Хем е целосно убеден дека Арсенал ќе упати уште една понуда за Рајс, која е проценета барем во бројки од 100 милиони фунти, од претседателот на клубот, Дејвид Саливан. Веста дека Манчестер Сити е подготвен да скокне во трката ги натера челниците на Арсенал да ги насочат напорите што поскоро да постигнат договор за картата на Англичанецот.
Тоа е така затоа што лондончани добро знаат дека финансиската способност на Манчестер Сити може да се претвори во сериозен проблем, доколку овој се реши да дојде со официјална понуда. Дополнително, Арсенал ќе плати 70 милиони фунти за картонот на Каи Хаверц од Челзи. Се очекува играчот да заработува плата од најмалку 210 фунти неделно. Лондончани исто така бараат да го ангажираат талентот на Ајакс, Јуриен Тимбер, додека на мета е и Ромео Лавија од Саутемптон.
Во меѓувреме, се очекува летово клубот да го напуштат Томас Партеј и Гранит Џака. Дури и Арсенал да добие задоволителни финансиски суми за картите на двајцата играчи, цената на Хаверц и Рајс, доколку се постигне договор, ќе биде многу поголема.
Се очекува Џака да му се приклучи на германскиот Баер Леверкузен во случајот на пристапот на Рајс, додека Партеј има интерес од неколку клубови од Саудиска Арабија. Интерес за Партеј има и од клубовите во Серија А. Во меѓувреме, во Арсенал, иднината на Роб Холдинг и Киеран Тиерни е исто така нејасна.
