Побаруваниот напаѓач на Наполи, Виктор Осимхен, призна дека сака еден ден да игра во Премиер лигата. Напаѓачот е меѓу главните цели на Манчестер Јунајтед, но и на другите клубови во Англија, а не е исклучено играчот да го напушти Наполи во текот на летниот пазар.
Во едно неодамнешно интервју, Осимхен рече:
„Мислам дека играњето во едно од 5-те најдобри првенства во светот е фантастично чувство за мене. Многу луѓе ја сметаат Премиер лигата како најдобра и најсилна лига, но сега сум во една од најдобрите лиги во светот, тоа е Серија А. Работам напорно за да се осигурам дека еден ден ќе го остварам мојот сон да играм во Англија, но како што реков, тоа е процес и сакам да го задржам темпото и да продолжам да настапувам добро“.
Нигерискиот напаѓач постигна вкупно 19 голови на 21 натпревар со Наполи во Серија А оваа сезона. Потсетуваме, Наполитанците водат во првенството со полни 15 поени разлика од најблиските следбеници, а според сите веројатности, Осимхен за првпат ќе биде прогласен за шампион во Серија А.
Манчестер Јунајтед е најзаинтересираниот клуб за услугите на бомбардерот, бидејќи „црвените ѓаволи“ допрва треба да најдат достојна замена за Кристијано Роналдо, кој во јануари го напушти „Олд Трафорд“. Англичаните исто така го следат Хари Кејн, но возраста на Осимхен го прави попопуларна опција за тренерот Тен Хег.
Нигериецот многу спортски аналитичари го сметаат за совршен играч за англиското првенство, со оглед на неговата физичка сила, брзина и способност да постигнува голови дури и со слаба нога. Останува да видиме дали следната дестинација на Осимхе ќе биде Олд Трафорд или некој друг клуб од Премиер лигата.
