Челниците на Челзи водат разговори со Германците од Лајпциг, за можноста за враќање на напаѓачот во неговиот поранешен клуб. Според англиските медиуми, станува збор за враќање во форма на позајмица, бидејќи лондончани се уште не се подготвени да се откажат од него.
Германскиот напаѓач го напушти Лајпциг за да му се приклучи на Челзи во 2020 година, но оттогаш не успеа да го направи влијанието што се очекува од него во тимот на Томас Тухел. Вернер има постигнато само 10 гола на вкупно 56 натпревари Премиер лига.
Во меѓувреме, Челзи го засили напаѓачкиот дел со пристапот на Рахим Стерлинг од Манчестер Сити. Сепак, лондончани решија да го испратат и Ромелу Лукаку на позајмица во Интер.
Меѓутоа, кога е Вернер во прашање, најголемиот проблем со излезната стратегија е платата на играчот. За да се реализира позајмицата, играчот мора да прифати намалување на платата, бидејќи финансиската моќ на германските клубови не е споредлива со онаа на клубовите од Премиер лигата. Другата опција е сценариото каде Челзи плаќа дел од платата на играчот, но тоа е помалку веројатно да се случи.
За време на претсезонската турнеја на сините во Америка, Тимо Вернер навести дека може да биде среќен и во друг клуб. Но, тренерот Тухел побрза да одговори на коментарите на играчот. Техничарот изјави:
„Би бил еден од најсреќните луѓе на планетата доколку имам договор со Челзи.
Њукасл исто така е меѓу тимовите заинтересирани за картата на Германецот, но барањата за плата на Вернер може да се покажат превисоки за клуб кој има уште многу работа во Премиер лигата. Поверениците на Еди Хау сакаат да бидат дел од елитата на англиските клубови, а за оваа цел планираат да ангажираат уште 2 напаѓачи.
