Челниците на Реал Мадрид планираат конкретна понуда за услугите на бомбашот на Манчестер Сити, Ерлинг Халанд. Шпанците се обидуваат да донесат голем број млади таленти на Бернабеу, вклучувајќи го и Џуд Белингем, во обид да формираат нова генерација на суперѕвезди.
Шпанскиот клуб бара достојна замена за Карим Бензема кој е на залезот на кариерата. Иако Килијан Мбапе отсекогаш бил на врвот на листата на желби на претседателот Перез, се чини дека работите се променија во последно време, па Галактикос ќе го пренасочи фокусот на Халанд.
Се очекува да замине и тренерот Карло Анчелоти во текот на летото, и покрај билансот на составот на крајот од сезоната, што го отвора патот за значајна транзиција во тимот. Во меѓувреме, што се однесува до Халанд, се очекува Манчестер Сити да им ги отежне работите на Шпанците, но во Мадрид постои уверување дека челниците можат да ја искористат збунетата ситуација низ која минува Сити, во однос на обвинувањата за прекршување на финансиските правила.
Доколку „граѓаните“ бидат казнети за овие прекршоци, Халанд ризикува да игра фудбал Лига на Шампиони, а тоа може да го приближи напаѓачот сè поблиску до Сантијаго Бернабеу. Првично се мислеше дека претседателот на Реал, Флорентино Перез ќе почека до пазарот следната година за да направи потег за Халанд, но во Мадрид веруваат дека тој потег може да се направи оваа година.
Халанд на 27 натпревари досега со „граѓаните“ постигна вкупно 25 гола. Настапите на индивидуален план несомнено беа извонредни, но и покрај тоа, сè уште има многу гласови кои не се убедени дека Норвежанецот го направи Манчестер Сити подобар тим оваа сезона. Играчот минатото лето беше многу блиску до преселба во Шпанија, но на крајот ја избра Англија како своја следна дестинација.
