Многу добрата форма која Киеран Тиерни ја прикажа на последните натпревари со Арсенал го привлече вниманието на Реал Мадрид, кој може многу брзо да дојде со официјална понуда за дефанзивецот. Фудбалерот го постигна својот прв гол со репрезентацијата на Шкотска, во ремито 1-1 против Полска.
Тренерот Карло Анчелоти долго време е „навивач“ на Тиерни. Додека италијанскиот тренер беше на чело на Наполи, се обиде да го донесе дефанзивецот во Италија. Но, „наполитанците“ ја загубија трката за неговиот картон со Арсенал, а лондончани го доведоа Тирни на „Емирати“, за цифра од 25 милиони фунти.
Но, познато е дека Реал Мадрид има повеќе ресурси на располагање да го донесе Тирни во Шпанија, а тоа го оживеа интересот на Анчелоти. Ова го потврди агентот на мадридскиот клуб Јуни Калафат кој будно го следи настапот на Шкотланѓанецот. Покрај Тирни, Калафат го следеше и Букајо Сака, еден од најперспективните млади таленти на Арсенал.
Што се однесува до левиот бек, не се очекува Арсенал да пружи отпор доколку Мадрид излезе со вистинскиот предлог. Но, раководните лица на Реал знаат дека доколку понудат помала цифра отколку што треба, тоа би можело да ја отвори вратата за другите тимови да дадат понуда за играчот. Извештаите сугерираат дека Барселона е исто така заинтересирана за Тирни.
Поранешниот шкотски фудбалер Пет Невин е уверен во вештините на фудбалерот на Арсенал. Тој е навивач на Тирни уште откако дефанзивецот стана активен во Селтик. Невин за медиумите изјави:
„Киран беше поврзуван со трансфер во Реал Мадрид и уверен сум дека нема да има проблем да се прилагоди таму. „Тој е многу добар играч, кој може да се приклучи на кој било клуб во светот и да почне да игра.