Американскиот играч за врска на Јувентус, Вестон Мекени би можел да го напушти италијанскиот клуб во јануари. 23-годишниот фудбалер имаше сезона со подеми и падови во Јувентус, откако дојде од Германците на Шалке. Еве зошто „Старата дама“ сака да ги продаде услугите на играчот и покрај неговата желба да се бори за стартно место во тимот на Масимилијано Алегри.
Ситуацијата на фудбалерот на Јувентус го привлече вниманието на англискиот Лидс, кој по се изгледа упати официјална понуда за играчот од средниот ред. Тренерот Марсело Биелса се подготвува за борба за опстанок, бидејќи неговиот тим се наоѓа на 16. место во Премиер лигата, на само 2 места од испаѓање.
Се смета дека Јувентус бара околу 20 милиони евра за услугите на играчот, бројка што е прифатлива за Лидс. Вестон го поседува вистинскиот физички потенцијал, и е играч од средниот ред кој покрива многу простор на зелениот терен. Токму тоа му треба на Лидс, иако за Мекени овој трансфер би можел да се смета за чекор назад во кариерата. Сепак, играчот може да го гледа овој потенцијален трансфер како можност да се докаже во нова лига.
Тренерот Марсело Биелса не е љубител на приодите во јануари, но повредите на клучните играчи во неговиот тим, се чини не му оставија решение на тренерот.
Во меѓувреме, според извештаите на SunSport, Лидс исто така е заинтересиран за купување на Чилеанецот Бен Бреретон Дијаз од Блекбурн Роверс. Но, во исто време Англичаните изгледаат дека ќе го загубат Калвин Филипс, кој и да не замине во јануари, најверојатно ќе го напушти клубот на крајот на сезоната. Голем е интересот за неговиот картон од Ливерпул и Манчестер Јунајтед.