Англичаните од Ливерпул долго време се поврзуваат со името на Килијан Мбапе, а и покрај конкуренцијата од Реал Мадрид, „црвените“ се уште може да имаат шанса да ја доведат француската суперѕвезда на „Енфилд“. Актуелниот договор со ПСЖ истекува на крајот од сезоната на победникот на Светското првенство.
Париските челници одбија сума од 137 милиони фунти од Реал Мадрид, за картонот на Мбапе минатото лето. Ливерпул од друга страна со години го следи Мбапе на дистанца, дури и подолго од другите тимови. Сепак, пристапот на Луис Дијаз се чини дека донекаде го намали интересот за Мбапе, бидејќи Клоп донесе уште еден напаѓач во тимот. И покрај овој факт, главниот напаѓач на Ливерпул, Мохамед Салах нема уште долго да игра со „црвените“ дури и да потпише нов договор. Ова може да отвори прозорец за Мбапе, кој може да биде негова совршена замена на долг рок.
Самиот Французин неколку пати повтори дека се уште му е нејасна иднината. Тој го кажа ова во своето последно интервју викендов:
„Постојат некои фактори кои треба да се земат предвид... Како што реков, тоа не е лесна одлука. Ќе се обидам да дадам се од себе за мене и луѓето околу мене“.
На прашањето дали се уште размислува да остане во ПСЖ, Мбапе одговори позитивно, признавајќи дека се може да се случи.
Многу спортски аналитичари се убедени дека чекор кон Премиер лига би бил најдобриот избор за Мбапе, кој во втор момент би можел да го оствари својот сон да премине во Реал Мадрид. Јирген Клоп се смета за еден од најдобрите тренери во светот, особено во управувањето и правилната ориентација на младите таленти, а токму тоа му треба на Килијан во овој момент.
