Дефанзивецот на Челзи, Антонио Рудигер ја отфрли најновата понуда на клубот за продолжување на договорот, која наводно се проценува на 200 илјади неделно. Рудигер е еден од тројцата дефанзивци на Челзи чии договори истекуваат на лето, а допрва треба да се согласи да потпише нов договор. На истата позиција се Цезар Аспиликуета и Андреас Кристенсен.
Но, ситуацијата создадена меѓу клубот и Германецот го привлече вниманието на ривалите Манчестер Јунајтед. Последниве размислуваат да дадат конкретна понуда за услугите на играчот, особено сега кога Реал Мадрид изгледа го намали интересот за Антонио.
Тренерот на „црвените ѓаволи“, Ралф Рангник, се вели дека е голем обожавател на Рудигер. Иако се очекува Рангник да ја напушти тренерската функција на крајот на сезоната, тој ќе остане во Јунајтед како консултант најмалку 2 години. Тоа значи дека Германецот може уште повеќе да ги притисне клупските раководители да направат потег за Рудигер на лето.
Според Дејли Меил, Рудигер моментално заработува околу 100 илјади неделно во Челзи. Челниците на лондонскиот клуб се уште се убедени дека можат да се договорат со играчот, но веста за одбивање на двојно поголема понуда од сегашната, ги натера европските клубови да се преселат.
Реал Мадрид и ПСЖ му понудија на Рудигер можност за преддоговор. Тоа на Французите е поатрактивно на финансиски план, но се вели дека дефанзивецот претпочита преселба во шпанската престолнина. Но Флорентино Перез нема намера да даде подобра понуда, барем засега. Тоа е затоа што претседателот на галаксиите силно верува во престижот што го има тимот на Лос Бланкос.