Тренерот на Манчестер Јунајтед, Ерик тен Хаг е доста уверен дека клубот ќе донесе други играчи во тимот до затворање на летниот пазар. Трансферот на Касемиро беше многу важен потег за „црвените ѓаволи“, но Тен Хаг нема намера тука да застане. Според извори на „Мирор“, клупските челници се уште се во интензивни разговори со играчот од средниот ред на Барселона, Френки де Јонг.
Претставниците на Јунајтед отпатуваа во Шпанија за уште еднаш да ги обноват мостовите за комуникација со агентите на Де Јонг. Вториот „лајкна“ објава на Инстаграм во која беше претставено доаѓањето на Касемиро на „Олд Трафорд“. Ова може да биде показател дека Холанѓанецот можеби се предомислил за преселба во Јунајтед. Првично беше објавено дека играчот од средниот ред претпочитал преселба во Челзи.
Во меѓувреме, уште еден играч кој Манчестер Јунајтед го следи е напаѓачот на Ајакс, Антони. Бразилецот има многу блиски односи со тренерот Тен Хаг и различни извештаи сугерираат дека играчот претпочита преселба на Олд Трафорд. Антони, исто така, објави слики од победата на Јунајтед над Ливерпул на социјалните мрежи, изразувајќи ја својата поддршка за „црвените ѓаволи“. Напаѓачот исто така беше изоставен од XI на Ајакс викендот.
По изненадувачката победа над Ливерпул, Ерик тен Хаг уште еднаш разговараше за целите на Јунајтед на пазарот, давајќи индикации дека клубот е во потрага по играчи од елитното ниво. Холанѓанецот повтори:
„Од почетокот рековме дека сакаме да донесеме вистински играчи, а не случајни играчи. Сега знам дека го имаме вистинскиот играч во тимот (Касемиро), убеден сум во тоа. Но, пазарот не е затворен. Ни требаат бројки, но не само тоа, ни треба и квалитет“.
