Ливерпул би можел да ги забрза плановите да ги обезбеди услугите на талентот од Дортмунд, Џуд Белингем. Причината е интересот кој Борусија го искажа за Наби Кеита, а тоа би можело да послужи за евентуална размена на играчи помеѓу двата клуба. „Црвените“ долго време се обожаватели на англискиот играч за врска и водат во трката за неговиот картон.
Повереници на Jurgen Klopp ја започнаа новата сезона со многу прашалници, ремизирајќи со Фулам и Кристал Палас, како и со пораз од Манчестер Јунајтед со 2-1. Овие резултати ги оставија момците на Јирген Клоп на 16. место во шампионатот. „Црвените“ минуваат низ криза со повреди во средниот ред, што значително се одрази на перформансите на тимот.
Во моментов Кеита, Тиаго, Кертис Џонс и Алекс Окслејд-Чембрлен се недостапни. Џордан Хендерсон сега е во своите 30-ти години и ова му додаде уште поголема одговорност на ветеранот Фабињо.
Јирген Клоп се повеќе чувствува потреба да внесе повеќе свежина во средниот ред, а Џуд Белингем изгледа како совршен играч за оваа задача. Англичанецот има 3-годишен активен договор со Дортмунд, откако го потпиша обновувањето минатото лето. Челниците на германскиот клуб ја загубија својата суперѕвезда Ерлинг Халанд на овој пазар, а не сакаат да загубат уште еден важен играч.
Но, ова може да се промени поради интересот на Германците за Кеита, оставајќи ја можноста за трансфер на Белингем на Енфилд, за време на јануарскиот пазар. Според Мирор во Англија, многу работи ќе зависат и од напредокот на Дортмунд во првата половина од оваа сезона. Фудбалерот постигна 11 гола и 19 асистенции на 94 настапи со Германците. Играчот од средниот ред дојде во клубот во 2020 година од Бирмингем Сити. Белингем исто така има играно 15 пати за репрезентацијата на Англија, иако има само 19 години.