Претставниците на Дарвин Нуњез се сретнаа со неколку клубови Премиер лига, да разговараат за можноста за трансфер во текот на летниот пазар. Интерес за играчот на Бенфика изразија Ливерпул, Манчестер Јунајтед и Њукасл. Во меѓувреме, интересот на Тотенхем е официјално потврден по состанокот помеѓу двете страни.
Останува да видиме дали тимот на Антонио Конте ќе направи официјален потег за 22-годишниот фудбалер. Самиот играч потврди дека ќе ја раскине врската со неговиот сегашен агент Едгардо Ласалвија. Ова доведе до појавување на Жорге Мендеш на сцената, но според последните извештаи, супер-агентот нема да биде вклучен во евентуалниот трансфер на Нуњез во Англија.
Но, покрај клубовите од Премиер лигата, интерес за Нуњез има и од Шпанија. Станува збор за гигантот од Реал Мадрид, кој е во потрага по напаѓач, по подновувањето на Килијан Мбапе во ПСЖ. Сепак, Лос Бланкос остануваат скептични да се приближат кон големо име како Нуњез, со оглед на тоа што претседателот Перез сè уште верува дека Мбапе може да му се приклучи на тимот еден ден.
Главното барање на играчот е да игра во Лигата на шампионите, а тоа би можело да ги исклучи Манчестер Јунајтед и Арсенал од списокот на клубови кои го бараат неговиот картон. Но, тоа не може да се каже со сигурност, особено за Јунајтед, кој е дом на уште неколку Португалци како што се: Кристијано Роналдо, Бруно Фернандеш и Диего Далот. Репрезентативците можат да го убедат Нуњез да премине во Јунајтед, имајќи го предвид фактот дека тимот веќе има нов тренер, Ерик тен Хаг. Овој вториот има јасна визија за головите на „црвените ѓаволи“, но останува да се види колку Холанѓанецот ќе биде убедлив да го донесе Нуњез на „Олд Трафорд“. Напаѓачот на Бенфика оваа сезона постигна 34 гола на 41 натпревар.