Според пишувањата на престижниот „Мирор“, Јувентус е во „пол позиција“ да го доведе Пол Погба во Торино во текот на летната сезона. „Старата дама“ е во конкуренција на Реал Мадрид и Пари Сен Жермен за услугите на Французинот, а се чини дека овој е склон да го избере долгоочекуваното враќање во Италија.
Погба ќе го напушти Манчестер Јунајтед по нула трошоци на крајот од сезоната, а чека понуди од ривалските клубови. Тука во игра влегува Јувентус, кој конечно го материјализира интересот за играчот од средниот ред. Јувентус е подготвен да му понуди на Погба неделна плата од 160,000 фунти, односно околу 8 милиони фунти по сезона. Дополнително, вклучени се и бонуси и некои други дополнителни такси. Тоа ја прави понудата доста привлечна и покрај тоа што платата е помала во однос на она што Французинот го користи од Јунајтед.
Со оглед на тоа што Пауло Дибала и Џорџо Кјелини се очекува да си заминат на лето, Погба ќе има можност да ја преземе улогата на протагонист во Јувентус, премолчена желба на играчот. Според италијанските медиуми, ова е планот на клупските челници кои сакаат да изградат тим околу Пол Погба и Душан Влаховиќ.
Во минатото, Погба не крие дека сака да премине во Реал Мадрид. Но, последниве се чини дека во моментов немаат интерес да го доведат играчот од средниот ред на „Сантијаго Бернабеу“. Шанса да профитираат од услугите на Погба добија шампионите на Манчестер Сити, но самиот фудбалер го одби потегот. Светскиот шампион не сака да игра за друг клуб во Премиер лигата и е подготвен за нова авантура на друго место.
Доколку се биде според планот и Реал Мадрид не упати изненадувачка понуда во последните минути, Погба следната сезона ќе го носи дресот на Јувентус.
