Според последните извештаи на MARCA, челниците на Реал Мадрид внимателно ја следат ситуацијата на Џуд Белингам во Борусија Дортмунд. Англиската суперѕвезда долго време е под радарот на „галактикосите“, но се чини дека претседателот Флорентино Перез размислува за конкретна стратегија како да го доведе играчот на Сантијаго Бернабеу.
Клучното прашање кое ќе ја одреди иднината на Белингем е дали напаѓачот ќе го продолжи договорот со актуелниот клуб или не. Токму тука на сцена стапува Реал Мадрид. Мадриленците потфрлија во својата главна цел на пазарот, а тоа беше да го доведат Килијан Мбапе во тимот. Ова предизвика вниманието на шпанските челници да се фокусира на играчи кои се подготвени да чекаат 1 година за да им се приклучат на галактикосот.
Ова е ситуацијата на Белингем, кој одлучи да остане во Дортмунд и следната сезона. Веќе е потврдено дека претставниците на Реал Мадрид отпатувале во Германија за во живо на теренот да го видат талентот на репрезентацијата на „3 Лава“. Шпанските медиуми пренесуваат дека галактичкиот клуб го гледа Белингем како совршен играч за преодниот рок во средниот ред. Реал се уште многу се потпира на Модриќ и Тони Крос во овој оддел, но и двајцата играчи од средниот ред се во последната фаза од својата кариера. Белингем, заедно со Феде Валверде, Едуардо Камавинга и Чоамени, имаат шанса да создадат златна серија кај 14-кратниот европски првак.
Фудбалерот на Дортмунд им се приклучи на Германците во 2020 година за сума од 25 милиони евра. Тој се смета за еден од најперспективните таленти во Европа. Тоа секако значи дека конкуренцијата за неговата карта ќе биде голема. Сепак, Реал Мадрид секогаш останува една од најпримамливите опции за секој млад талент.
