Според извештајот на престижниот 90мин, Челзи и Манчестер Јунајтед ја следат ситуацијата на Џејми Варди во Лестер Сити. Актуелниот договор на напаѓачот со клубот истекува следната година, а иако се уште нема ништо конкретно, многу клубови од Премиер лигата внимателно ја следат ситуацијата на Варди кај „Лисиците“.
Лестер мора да продаде некои играчи за да обезбеди средства за нови пристапи, како и да биде во вистинска насока со правилата на УЕФА во однос на финансискиот „фер-плеј“. Голманот Каспер Шмајхел замина за Ница во Франција, потег кој изненади голем дел од навивачите на клубот. За овој трансфер со официјално соопштение реагираше и претседателот на клубот. Тој рече:
„За време на неговото време со нас, а особено во периодот како капитен и заменик капитен, Каспер отсекогаш бил играч подготвен да преземе одговорност и да го води тимот. Неговото влијание и лидерство, на теренот и надвор од него, доволно зборуваат за него како професионален фудбалер, но и како личност“.
Во исто време за можно заминување од „лисиците“ се зборува и за Весли Фофана и Џејмс Медисон.
Земајќи ги овие предвид, сè уште не е јасно колкав интерес навистина има Лестер да се откаже од својот напаѓачки гигант. Пред неколку месеци менаџерот на тимот Брендан Роџерс изјави дека клубот ќе донесе одлука за иднината на Варди на лето и се чини дека тој момент е дојден. Роџерс потоа изјави:
„Сигурно дека имало некои разговори зад вратите, но во моментов сме прилично мирни. Тој е многу среќен овде. Сигурен сум дека ќе ја анализираме ситуацијата на лето…“
Сепак, во моментов ниту Челзи ниту Манчестер Јунајтед немаат конкретизирано понуда за услугите на асот на Лестер Сити.