Манчестер Јунајтед истражува различни опции за да го доведе асот на Тотенхем Хари Кејн на „Олд Трафорд“. Според извори на ESPN, покрај паричната сума, менаџерите на „црвените ѓаволи“ во операцијата можат да го вклучат и Французинот Антони Марсијал.
Јунајтед бара да доведе напаѓач во следниот летен преоден рок и капитенот на англиската репрезентација е една од опциите. Тотенхем го цени картонот на Кејн на 100 милиони фунти, но оваа проценка се смета за нереална од Јунајтед. Ова се должи и на возраста на напаѓачот, кој во јули ќе наполни 29 години. Поради оваа причина, челниците на „црвените ѓаволи“ можат на Тотенхем да му ја понудат картата на Ентони Марсијал, за донекаде да ги намалат трошоците за трансферот на Кејн.
Марсијал има активен договор до 2024 година со Манчестер Јунајтед. Тој моментално игра како позајмен во Севиља, но шпанскиот клуб даде знаци дека нема намера да го купи картонот на Марсијал.
Јунајтед е во потрага по потврден напаѓач на европската арена, а Единсон Кавани најверојатно ќе си замине на крајот од сезоната. Уругваецот е посакуван од неколку екипи во Шпанија, Италија и Латинска Америка. Во исто време, во прашање е и иднината на Кристијано Роналдо. 37-годишниот играч има уште 1 година од договорот, со опција за продолжување на уште една година. Сепак, Португалецот се уште не одлучил дали ќе остане на Олд Трафорд. Најверојатно Јунајтед нема да игра во Лига на Шампиони следната сезона и се очекува тоа да влијае на одлуката на Роналдо.
Свое мислење за трансферот на Кејн ќе даде и новиот тренер на клубот.
