Челниците на Манчестер Сити се подготвени да се вклучат во разговори со Баерн Минхен, за да се реализира размена меѓу двата гигантски клуба. Англичаните ги бараат услугите на Џошуа Кимих и за неговиот картон се подготвени конечно да се откажат од Жоао Кансело кој моментално настапува како позајмен во германскиот клуб.
Пеп Гвардиола е голем обожавател на Кимих, а исто така го гледа и како совршена замена за Илкај Гундоган во средниот ред, кому му истекува договорот на крајот од сезоната. На Турк Сити му понуди продолжување на 1 година, но и Барселона ги сака неговите услуги и Шпанците се подготвени да му понудат на Гундоган 3-годишен договор. Кансело, пак, на позајмица му се приклучи на Баерн, но Германците не се подготвени да платат 60 милиони фунти, колку што е бројката за конечно да го купат картонот на играчот.
Од друга страна, Гвардиола е подготвен конечно да се откаже од Кансело, бидејќи играчот направи проблеми во соблекувалната на Сити со соиграчите, поради тоа што не беше активиран од Гвардиола. Кимих е совршена алтернатива за шпанскиот тренер кој работеше 3 години со играчот додека беше на чело на Баерн Минхен.
Една од најдобрите вештини на Германецот е неговата флексибилност на теренот. Кимих е активиран како дефанзивец, но може да игра доста добро и во средниот ред. Ова го прави совршен играч за стилот на игра на Пеп Гвардиола, кој претпочита неговите дефанзивци да напредуваат и да станат активен дел од офанзивната акција.
Кимих има две години активен договор со Баерн, но може и порано да ја напушти Германија. Се вели дека играчот бара нов предизвик и е малку разочаран од Баварците по отпуштањето на тренерот Јулијан Нагеслман.
