Доколку Ерлинг Халанд одлучи да ја напушти Борусија Дортмунд, играчот го претпочита Реал Мадрид како негова следна дестинација. Веста е потврдена за Goal.com од неофицијални извори блиски до напаѓачот. Норвешкиот талент е свесен дека има многу европски клубови кои го бараат неговиот картон, но се уште не донел одлука за иднината. Сепак, галаксиите управуваат од страна Карло Анчелоти се најпримамливите алтернативи за ѕвездата на Дортмунд.
Откако се пресели во Дортмунд од Ред Бул Салцбург во 2020 година, Халанд го консолидираше статусот на еден од најдобрите напаѓачи на европската арена. 21-годишниот фудбалер постигна 70 гола во првите 69 настапи со Германците. Но, како е ситуацијата околу неговиот трансфер и интересот на другите клубови?
Агентот на фудбалерот, Мино Раиола неодамна откри еден многу интересен податок. Ерлинг Халанд поседува куќа во Шпанија. Но, тоа не значи дека задолжително, фудбалерот веќе одлучил да биде дел од Лос Бланкос. Според Раиола, многу работи можат да зависат од Килијан Мбапе од Пари Сен Жермен, кој исто така е мета на Реал Мадрид.
Халанд знае дека доколку и Мбапе стане дел од Реал Мадрид, ќе мора да дели простори, а можеби и минути со француската ѕвезда. Во меѓувреме и претседателот на Мадрид, Флорентино Перез, има свои дилеми дали двоен трансфер, односно на Мбапе и Халанд истовремено му оди во прилог на неговиот клуб.
Но, каков е ставот на Дортмунд? Директорот на првиот фудбалски тим на клубот, Себастијан Кел, вети дека Германците ќе се борат Халанд да остане под договор, до 2024 година, како што е предвидено во постоечкиот договор меѓу клубот и напаѓачот.
Во меѓувреме Англија е исто така потенцијална дестинација, но според извештаите, Халанд сè уште нема омилен клуб во Премиер лига.
