Челзи е подготвен да испрати официјална понуда во јануарскиот преоден рок за талентот на Монако, Аурелиен Чоамени. Последново одамна е на радарот на Челзи, но интересот од други клубови за играчот може да ги искомплицира работите за лондонските сини. Поради оваа причина, се очекува челниците на клубот да преземат акција во јануари.
Во текот на летниот преоден рок, Челзи беше блиску до договор со Чуамени, но не беше постигнат договор. Сините му пристапија на Саул од Атлетико Мадрид, во форма на позајмица од Шпанците. Според информациите, Челзи на лето би можел да ги обезбеди услугите на Чуамени за 30 милиони фунти, но веќе Монако може да побара повеќе од 40 милиони фунти за услугите на 21-годишниот фудбалер.
За тренерот Тухел, Чоамени се смета за долгорочна замена за Н'Голо Канте или Жоргињо. Двајцата од овие играчи имаат уште 18 месеци од договорот со лондончани. Вториот ќе има корист и од враќањето во клубот на Галагер и Били Гилмур следната сезона. Раководните лица на Челзи сакаат да потпишат преддоговор со играчот на Монако, а потоа да го склучат неговиот трансфер на лето. Оваа операција наликува на онаа од пристапот на Кристијан Пулишиќ, во 2019 година.
Се смета дека играчот е заинтересиран за преселба на Стемфорд Бриџ, но интересот за него расте се повеќе и од другите клубови. Ливерпул и Манчестер Јунајтед будно го следат фудбалерот, но вниманието кон него е зголемено и пошироко Премиер лига. Двајцата ривали во Серија А, Јувентус и Милан го гледаат Чоамени како сосема погоден за нивниот модул за игра. Во меѓувреме, и ПСЖ е заинтересиран, но со оглед на тоа колку ѕвезди имаат парижаните во средниот ред, тешко дека ќе се случи конкретен потег за Орелиен Куамени.