Челниците на Челзи почнаа да размислуваат за други алтернативи во одбраната, откако трансферот на Жил Кунде остана суспендиран. Сините од Лондон се согласија да и исплатат на Севиља бараната цена од 55 милиони фунти, а Французинот ги договори и личните услови за договорот. Но, сериозниот интерес на Барселона, деновиве, се чини дека го запре официјализирањето на овој потег.
Разбирливо е дека Барселона е во постојан контакт со Кунде, а овој сака да ги ислуша двете понуди пред да донесе конечна одлука. Ова го натера тренерот Тухел да бара други опции, во случај на најлошото сценарио. Меѓу имињата кои го привлекоа вниманието на лондонските челници се Пау Торес од Виљареал, Скриниар од Интер, Јошко Гваридол од Лајпциг како и дуото Баерн Минхен, Дајот Упамекано и Бенџамин Павард.
Сините од Лондон стапиле во контакт и со Лајпциг околу потенцијалниот трансфер на Норди Мукиеле. Сепак, овој ги прифати личните услови од договорот со ПСЖ и се очекува многу брзо да ја финализира преселбата на Паркот на принцовите.
Важно е да се каже фактот дека Челзи се уште не се откажал од својата главна цел, Кунде. Договорот меѓу играчот на Севиља и англискиот клуб се уште е на маса и во Челзи има надеж дека Барселона нема да може да дојде со подобра економска понуда. Одбранбениот играч во меѓувреме продолжува редовно да посетува индивидуални тренинзи со Севиља.
Шпанскиот клуб моментално се наоѓа во Лисабон, Португалија каде се подготвува за новата сезона. Кунде моментално се опоравува од полесна повреда која бараше операција. Ова е главната причина поради која францускиот дефанзивец продолжува да тренира одвоено од групата.