Челзи тргна во напад по играчот од средниот ред на Барселона, Френки де Јонг, а се чини дека ситуацијата им оди во прилог на лондончани. Холанѓанецот долго време се поврзуваше со заминување од Камп Ноу ова лето, но неговата следна дестинација секогаш се сметаше дека е Манчестер Јунајтед.
Но, и покрај ова, според престижниот Метро, играчот претпочита трансфер на Стемфорд Бриџ. Во меѓувреме, Манчестер Јунајтед од минатиот месец се договори со Барселона за трансфер бројката на Де Јонг, бидејќи „црвените ѓаволи“ се подготвени да им платат на Каталонците 63 милиони фунти за картонот на играчот. Сепак, челниците на Јунајтед не успеаја да го убедат Де Јонг да се приклучи на тимот.
Играчот од средниот ред има уште еден проблем со заминувањето од Барселона, а се работи за неисплатените плати кои му ги должат Шпанците. Клубот треба да му плати на Де Јонг околу 17 милиони фунти заостанат долг, а без разлика на неговата следна дестинација, Холанѓанецот бара прво да го реши тоа прашање.
И покрај тешката економска ситуација, Барселона ова лето потроши околу 140 милиони фунти, обидувајќи се да создаде поконкурентен тим во Шпанија и Европа за новата сезона. Но, сега, каталонските челници се надеваат дека ќе ја продадат картичката на Де Јонг за да ги обезбедат потребните средства за потпишување договори со Роберт Левандовски и Рафиња. Извори блиски до Де Јонг велат дека играчот се чувствува како клубот да го принудува да си замине, а веќе го прифатил фактот дека неговата авантура на Камп Ноу е при крај.
Се сметаше дека односот на играчот со поранешниот тренер на Ајакс, Ерик тен Хаг, е важен одлучувачки фактор, што го доближува Де Јонг до Јунајтед. Но, се чини дека се случи спротивното, бидејќи Холанѓанецот повеќе го ценеше проектот на Томас Тухел во Челзи.