Лондончани на Челзи се подготвени да ја платат цифрата од 42 милиони фунти, за трансфер на Стемфорд Бриџ, на талентот Гави од Барселона. Според информациите, Англичаните се обидуваат да го намамат 17-годишниот да го напушти Камп Ноу, и да започне нова авантура во Премиер лигата.
Се смета дека претседателот на Челзи, Роман Абрамович е голем обожавател на талентот на Барселона и го гледа како суперѕвезда на иднината во фудбалот. Поради оваа причина, Абрамович сака да го грабне играчот од Барселона, пред тој да потпише нов долгорочен договор со клубот.
Актуелниот договор на Гави со Каталонците истекува во летото 2023 година, а Шпанците сакаат да му понудат можност на играчот да се обнови. Во моментов отказната клаузула за играчот е во бројки од 42 милиони фунти, што е многу прифатливо за Челзи. Но, многу брзо Барселона може да ја следи истата стратегија како со Ансу Фатин и Педри. За второто, шпанскиот клуб постави клаузула од 840 милиони евра, како метода да спречи евентуално нивно заминување.
Се верува дека дефанзивецот Жерар Пике инсистира Гави и Педри да останат во тимот, бидејќи Шпанецот ги поврзува нивните фигури со Чави и Андрес Иниеста. Педри по секоја веројатност ќе прифати нов договор со клубот, до 2026 година.
Барселона во меѓувреме е во опасност да загуби уште еден играч, а тоа е Френки де Јонг. Манчестер Сити е подготвен да понуди 75 милиони евра за услугите на Холанѓанецот, а шпанскиот клуб сака да ја прифати понудата. Претходно се зборуваше за можна размена меѓу Де Јонг и Стерлинг, но со оглед на тешката финансиска состојба на Каталонците, вториве се повеќе склони да прифатат финансиска понуда.