Барселона допрва треба да потпише нови засилувања во летниот преоден рок пред почетокот на Ла Лига против Рајо Ваљекано. Шпанскиот гигант оваа година се соочи со многу финансиски предизвици, а се чини дека допрва треба да ги соберат потребните средства за да ги задоволат барањата на управниот одбор во Ла Лига.
Раководните лица на Барселона ги продадоа ТВ правата и клупските акции во обид да соберат повеќе средства. Покрај тоа, ветеранот Жерар Пике прифати намалување на платата за да го поддржи клубот. Роберт Левандовски и Рафиња се двајца од играчите кои се уште не се официјално пријавени како фудбалери на Барселона. Доколку тоа не се случи наскоро, Германецот и Бразилецот не можат да бидат активни во Ла Лига.
Каталонците се обидуваат да ги продадат и услугите на Самуел Умтити и напаѓачот Мартин Брејтвејт. Овие двајца го загубија стартното место во тимот, како што се наближува летото, шансите за настап во новата сезона се многу мали. Тоа го потврди и претседателот на клубот, Жоан Лапорта, кој неодамна изјави:
„Тие (Умтити и Брејтвејт) сфатија дека најдоброто нешто што треба да се направи е да се игра за друг тим. Нивните договори секогаш се почитувале, но дојде време да направат чекор напред. Оваа недела ситуацијата и на двајцата мора да се реши“.
Во меѓувреме, ситуацијата на Френки де Јонг е исто така многу деликатна, бидејќи продажбата на картонот на Холанѓанецот може конечно да ја извлече Барселона од тешката ситуација. Сепак, Лапорта инсистираше на тоа дека клубот сака Де Јонг да остане на Камп Ноу, и покрај извештаите во медиумите. Во оваа ситуација се уште е нејасно како Барселона ќе може да регистрира нови играчи пред почетокот на сезоната.
