Импресивните игри на Армандо Броја со Саутемптон го привлекоа вниманието на многу англиски клубови и не само. Меѓу нив е и Арсенал, кој размислува да достави официјална понуда за албанскиот напаѓач на летниот пазар.
Броја игра како позајмен во Саутемптон и неговиот картон е во сопственост на лондончани на Челзи. Тренерот на Арсенал, Микел Артета сака да го засили својот тим со напаѓач бидејќи ја пропушти шансата да го стори тоа во јануарскиот преоден рок. Мета на „топчиите“ беше Душан Влаховиќ, но вториот избра да му се приклучи на Јувентус. Пјер-Емерик Обамејанг во меѓувреме замина во Барселона, додека Александре Лаказет и Еди Нкетија се шпекулира дека би можеле да заминат на крајот на сезоната.
Броја изгледа многу ветувачка опција бидејќи 20-годишниот играч постигна 7 гола во сите натпреварувања во текот на оваа сезона. Извештаите во Англија говорат дека Микел Артеа е голем фан на Албанецот, а тоа е дефинитивно многу важно во случај Арсенал да реши да влезе во трката за напаѓачот.
Засега токму Габриел Мартинели се активира како центар напаѓач во составот на лондончани. И покрај тоа што тоа не е негова природна позиција, настапите беа доста позитивни и тренерот Артета може да продолжи да го активира 20-годишниот играч на истата позиција.
Мартинели во едно неодамнешно интервју призна дека сака да го носи дресот со број 14 на Арсенал. Овој број стана познат од легендата на Арсенал, Тиери Анри. Џек Вилшер исто така е на мислење дека Мартинели треба да биде новиот центарфор на лондонскиот тим. Во неодамнешното интервју за официјалните медиуми на Арсенал, играчот од средниот ред изјави дека она што го направи тренерот Артета е генијално и Мартинели има фантастични перформанси на новата позиција.