По претходните напори на Челзи, во трка за услугите на Мојсес Каиседо влезе и Арсенал. Играчот од средниот ред на Брајтон беше еден од најозборуваните играчи во јануарскиот преоден рок, но се чини дека неговиот сегашен клуб одолеа на притисокот да го пушти.
Арсенал достави официјална понуда од 60 милиони фунти за Еквадорецот, но Брајтон ја одби оваа бројка. Микел Артета сака да го засили својот тим, а особено средниот ред. Мохамед Елнени е повреден, а Топџиите немаат многу опции кога е во прашање клупата. Тренерот Артета сака тимот да не губи позиции во првенството поради немањето алтернативи, но се чини дека Арсенал мора да бара друг играч за врска.
Брајтон сè уште не е подготвен да се откаже од Каиседо, бидејќи клубот ја отфрли претходната понуда од 55 милиони фунти од Челзи за играчот. „Галебите“ го пуштија Леандро Тросард овој месец, со тоа што овој му се приклучи на Арсенал, а тимот не сака да загуби уште еден клучен играч бидејќи тоа може сериозно да го оштети напредокот на тимот во Чемпионшип.
Потсетуваме дека Брајтон загуби и 3 важни играчи на летниот пазар. Марк Кукурела му се приклучи на Челзи, Ив бисума замина во Тотенхем, додека Нил Маупеј го избра Евертон.
На неодамнешната прес-конференција, менаџерот на Брајтон, Роберто де Зерби, ги увери навивачите велејќи дека Каиседо е фокусиран на Брајтон во моментов. Сепак, техничарот не ја исклучи можноста да замине. Тој за медиумите изјави:
„Зборував со него (Каиседо) како татко, а не како тренер. Се надевам дека ќе остане со нас барем до крајот на сезоната, бидејќи според мене ова е најдобро за нас и за него. Тој рече дека во моментов е фокусиран на Брајтон“.