Според последните извештаи во Англија, Ерик тен Хаг ќе ги повика шефовите на Манчестер Јунајтед да се зафатат за бразилскиот напаѓач на Ајакс, Антони. Холандскиот тренер го гледа Антони како идеална замена за Кристијано Роналдо, во случај овој да ги напушти „црвените ѓаволи“.
Португалскиот напаѓач побара од клубот да го напушти овој прозорец, а доколку тоа се оствари, Јунајтед ќе остане со многу ограничени напаѓачки опции за следната сезона. Маркус Рашфорд никогаш не успеа да ги оправда очекувањата минатата сезона, додека Антони Марсијал имаше лоша сезона на позајмица во Севиља.
Роналдо во меѓувреме постигна 18 гола минатата сезона. Тоа доведе до тоа Португалецот да биде вклучен во „Тимот на годината“ во Премиер лигата. Сепак, ЦР7 сака да игра во Лигата на шампионите и Јунајтед не може да си го дозволи тоа. Ова е причината поради која тренерот Тен Хаг сака што поскоро да преземе мерки, да го спречи евентуалното заминување на Роналдо.
И покрај ова, преселбата на Антони на Олд Трафорд не е лесен потег. Ајакс бара 70 милиони фунти за картонот на Бразилецот, а извештаите во Англија говорат дека Јунајтед не е подготвен да ја плати оваа цифра. Ова е и причината зошто Тен Хаг е упорен со клупските челници кои се плашат од реакцијата што би можела да ја донесе продажбата на Кристијано Роналдо.
„Црвените ѓаволи“ имаат намера да доведат и на Олд Трафорд Френки де Џонг од Барселона и Лисандро Мартинез од Ајакс. Притисокот од навивачите постојано се зголемува, бидејќи клубот досега не успеа да официјализира некој позначаен пристап на овој летен пазар. Останува да видиме дали Кристијано Роналдо ќе биде додаден на списокот на заминувања на Јунајтед.
